#大欖涌水塘 #千島湖
復活節假期仲有三日，大家有冇諗住仲去邊度玩呢？今次就同大家分享兩星期前行嘅「大欖涌水塘」，路線簡單，可以考慮同小朋友去行下。
今次係我第四次行呢度😆，每次都係由掃管笏村起步。由屯門新墟搭 43號專線小巴，直到村口。頭段全部都係石屎車路，行行下仲竟然有架雪糕車停泊🍦，天氣咁熱，食杯橙汁冰先繼續上路。
接上麥理浩徑第10段，路段向上升⬆️，比較斜，要用多少少腳力，途中會經過小壩，接著到達一個「大平台」位置，好多人會喺果度坐坐休息。呢度會分兩邊方向，一邊去黃泥墩水塘，另一邊往大棠，同埋我哋今次嘅目的地 #千島湖清景台。
離開石屎路，進入山路，有少少樓級上上落落，大約半小時，會見到一條修葺整齊嘅短樓梯，上去就係清景台喇，高處飽覽大欖涌水塘。
上去影相打個卡📷，落番黎，行番原路走。返到掃管笏村，共行 8公里，花咗三小時。😅正常其實唔洗咁長時間的，係因為細佬B 慢慢行，同佢行下、玩下、抱下，會耐咗。
#行山 #hiking #kidshiking #郊遊
Search